AAK jep lajmi kryesor të javës për qytetarët e Kosovës, ja njoftimi …

Lekaj: Kryetari i Kuvendit dhe Qeveria, brenda kësaj jave, por jo në të njëjtën ditë

Nënkryetari i Aleancës për Ardhmërinë e Kosovës (AAK), Pal Lekaj, njëherësh deputet i zgjedhur i Kuvendit të Kosovës, ka thënë se institucionet do të themelohen gjatë kësaj jave.

Ai në një intervistë për Telegrafin, me gazetarin Muhamet Hajrullahu, ka theksuar se pas zgjedhjes së shefit të legjislativit të vendit, do të votohet edhe ekzekutivi i ri kosovar.

“Nuk besoj që do të bëhet konstituimi brenda një dite. Duhet të kalojnë 24 orë nga zgjedhja e kryetarit të Kuvendit, ku më pas presidenti do t’ia jap mandatin të nominuarit të PAN-it, Ramush Haradinaj për ta formuar Qeverinë”, ka thënë Lekaj.

Ndryshe, dje pas gati tre muajve, është arritur marrëveshja në mes koalicionit PDK – AAK dhe Nisma (PAN) dhe Aleancës për Kosovë të Re (AKR), më ç’rast edhe pritet të krijohen numrat e mjaftueshëm për ta bërë shumicën në Parlamentin e vendit.

Nga kjo marrëveshje partia e Behgjet Pacollit pritet të drejtojë disa nga dikasteret më kryesorë në vend.