Abazi tregon se kur do të ndodhë takimi i radhës Kurti-Mustafa

Deputeti i Lëvizjes Vetëvendosje, Haki Abazi, në TV Dukagjini ka folur për ofertën e fundit që VV ia propozoi Lidhjes Demokratike të Kosovës.

Abazi në fund të emisionit tha se ende nuk kanë marrë asnjë ftesë nga LDK për një takim të mundshëm të afërt mes dy liderëve, Albin Kurti dhe Isa Mustafa.

Ai tha se LDK me organet e saja ka mbetur ta shqyrtoj ofertën e fundit të VV-së dhe më pas të caktohet takimi i radhës.

Abazi tha se nuk kanë të paraparë një takim për nesër dhe se nuk e di a do të ndodhë një i tillë.

“Se a do të ketë takim nesër me LDK-në kjo nuk varet nga ne, e sidomos tani organet e LDK-së janë ato të cilat e shqyrtojnë ofertën tonë dhe LDK vendos më pas”, tha Abazi.

SHPËRNDAJE