As Albin Kurti e as Hashim Thaçi, ky është lideri më i pëlqyer sipas Kantar TNS

Sipas hulumtimit të Kantar TNS, Indeks Kosova pëlqyeshmëria e qytetarëve ndaj liderëve politik nga viti 2003 deri në vitin 2018 ka shkuar duke rënë, edhe pse popullariteti i liderëve politik ndër vite ka pasur oshilacione.

Të dhënat e këtij hulumtimi për muajin qershor të vitit 2018, si liderin më të pëlqyer nga opinion publik e nxjerrin Shpend Ahmetin me 64 për qind.

Lideri i dytë radhitet Albin Kurti me 61 për qind , për të vazhduar më pas Behgjet Pacolli si i treti.

I katërti në listë është Isa Mustafa, e pas tij kryeministri Ramush Haradinaj.

Në vendin e gjashtë është pozicionuar Fatmir Limaj.

I parafundit në listën e dalë nga hulumtimi i Kantar TNS është presidenti Hashim Thaçi.

Krye-parlamentari, njëherë kryetari i PDK-së, Kadri Veseli, radhitet i fundi në këtë listë.

Këto të dhëna janë publikuar nga Visar Berisha Menaxhues i projektit të Kantar TNS, Index Kosova në emisionin Debat Plus të RTV Dukagjinit.

Hulumtimi është bere nga viti 2003 deri ne këtë vit dhe matja është bere çdo gjashtë muaj.

SHPËRNDAJE