Çështja e 170 eurove: Ministrja Bajrami zhgënjen mijëra qytetarë

Ministrja e Financave, Hykmete Bajrami, përmes një postimi të bërë në Facebook, ka thënë se kanë ardhë shumë vërejtje në adresë të këtij institucioni për mosimplementim të masave të paketës emergjente.

Ky është sqarimi i saj i plotë:

Të nderuar qytetarë,
Kanë ardhur shumë vërejtje në adresë të Ministrisë së Financave për mosimplementim të masave të paketës emergjente.
Dua të ju bëj me dije disa gjëra.

E para; sipas rregullores së re të Qeverisë së Republikës së Kosovës, Ministria e Financave është përgjegjëse për sigurimin e buxhetit për implementim të plotë të pakos emergjente dhe ekzekutim të pagesave përmes Thesarit sipas kërkesave që bëjnë ministritë e linjës.

Me lejoni t’ju njoftoj se Ministria e Financave ka gjetur burime financiare për implementim të të gjitha masave të paketës paraprake dhe për masat e reja për rimëkëmbje ekonomike. Por këto mjete financiare mund të shpenzohen vetëm pasi të kalojë rishikimi i buxhetit.

E dyta; sipas rregullores së re të Qeverisë së Republikës së Kosovës Ministria e Financave nuk është përgjegjëse për aprovim të aplikacioneve-kërkesave. Për aprovim të aplikacioneve për të gjitha masat që kanë të bëjnë me masat për sektorin privat janë Komisioni ndërinstitucional, i cili e ka përfunduar punën e tij në plotëni, është përgjegjëse Ministria e Ekonomisë dhe Ambientit për aprovim final të listave dhe te Ministria e Financave thjesht vjen kërkesa për ekzekutim e cila Thesarit i merr vetëm disa orë për ekzekutim.

Ndërsa për masën numër 15 përgjegjëse është Ministria e Punës dhe Mirëqenies Sociale dhe Ministria e Financave vetëm ekzekuton pagesat.

Kështu për momentin implementimi i masave është peng i votimit të rishikimit të Ligjit të buxhetit në Kuvendin e Republikës së Kosovës, dërsa në momentin kur kalon rishikimi i buxhetit në Kuvend, përgjegjësia është te Ministria e Ekonomisë dhe Ambientit për masat në mbeshtetje të sektorit privat dhe Ministria e Punës dhe Mirëqenies Sociale për masën numër 15.

Ju faleminderit!

  • ETIKETIMET
  • 1
SHPËRNDAJE