Dalin faturat e darkave tjera luksoze të Qeverisë Thaçi, pagoi 13.5 euro një levrek

Zyra e ish Kryeministrit të Kosovës, Hashim Thaçit në nëntor të 2011-ës kishin shpenzuar 175 euro vetëm në file levreku.

Në hotelin luksoz “Emerald” ishin porositur “13 file levreku Provance”.

Çmimi për një të tillë kishte kushtuar 13 euro e gjysmë, ndërsa totali i peshqve të porositur kapte shifrën e 175 euro e 50 cent.

Përveç levrekut ata kishin porositur edhe sallata të cilat kishin kushtuar 6 euro copa.

13 sallata të llojit “Summer dream salad” i kanë kushtuar buxhetit të shtetit 78 euro.

Aty janë pirë edhe 4 shishe verë që kanë kushtuar 64 euro.

Fatura e plotë e kësaj darke kishte kushtuar 330 euro në total.

Kallxo.com ka nisur publikimin e faturave të shpenzimeve të Presidentit Hashim Thaçi në kohën kur ai ishte kryeministër i vendit.

Në dosjen prej qindra faturash të siguruara pasi BIRN ka paditur Zyrën e Kryeministrit në gjykatë, do publikohen fatura të shpenzimeve për 20 muaj qeverisje të Hashim Thaçit përfshirë këtu shpenzimet e 5 zëvendëskryeministrave tjerë të asaj kohe: Bujar Bukoshi, Edita Tahiri, Hajredin Kuçi dhe Behgjet Pacolli.

Pjesë e faturave janë edhe shpenzimet e kryera nga këshilltarë e shefa të kabineteve e deri te bodigardët e qeveritarëve të lartë.

Në dosjen “Sa han Shefi” e cila tashmë është aktive në KALLXO.com, çdo ditë do të publikohen fatura të reja të shpenzimeve të shoqëruara me shkrime dhe dëshmi për shpenzime.

SHPËRNDAJE