Dëshpëron Hamilton, Verstappen i rrëmben në fund fitoren Ferrarit

Thyhet në më fund hegjemonia e pilotëve të Mercedesit, Hamilton e Bottas, në Botërorin e Formula 1.

Në Çmimin e Madh të Austrisë, i nënti në radhë për 2019-ën, triumfoi Max Verstappen.

Piloti holandez i Red Bullit zhvilloi garë spektakolare, duke parakaluar dy xhiro para fundit Charles Leclerc, që kryesoi garën nga starti e deri pak para përfundimit, por piloti i Ferrarit, që ishte shumë pranë suksesit të parë në karrierë, dështoi në momentin kulminant.

I treti e kaloi vijën e finishit Valteri Bottas, ndërsa pas tij mbërriti Sebastian Vettel me Ferrarin e tij.

Zhgënjeu në këtë pistë Hamilton, që mbërriti në fund të garës thuajse 23 sekonda pas fituesit. Gjithsesi, britaniku i Mercedesit mbetet në vendin e parë në renditjen e përgjithshme me 187 pikë, ndërsa ndjek shoku i tij i skuadrës, Bottas, me 157 pikë.

SHPËRNDAJE