FFK publikon gjyqtarët për dy derbit e fundjavës në Superligën e Kosovës

Këtë fundjavë do të zhvillohen dy ndeshjet e mbetura të Superligës, ku ballafaqohen Ballkani-Gjilani dhe Prishtina – Drita.

Me këto dy ndeshje njëherit do të përbyllet edhe stinori vjeshtor në elitën e futbollit kosovar.

Të shtunën me fillim nga ora 12:30 Ballkani do të pres në shtëpi Gjilanin, në një takim ku do të drejtohet nga Genc Nuza me ndihmësit Granit Hyseni, Elvis Bica e Dardan Çaka si gjyqtar i katërt.

Ndërkohë ditën e diel, me fillim nga ora 13:30 dy rivalët e vjetër Prishtina dhe Drita takohen në kryeqytet.

Kjo ndeshje i është besuar gjyqtarit Selim Isufi me ndihmësit Besnik Morina, Elvis Bicaj dhe Erdal Zasella si gjyqtar i katërt.

E shtunë, ora 12:30
Suharekë: Ballkani – Gjilani; gjyqtarë: Genc Nuza, Granit Hyseni, Elvis Bica, Dardan Çaka; Vëzhgues i gjyqtarëve: Mustafa Domi; Delegat: Ahmet Turku.

E diel, ora 13:30
Prishtinë: Prishtina – Drita; gjyqtarë: Selim Isufi, Besnik Morina, Elvis Bicaj, Erdall Zasella; Vëzhgues i gjyqtarëve: Afrim Haliti; Delegat: Skender Jashari.