Gazetarët e pyesin për shkarkimin e shefit të AKI-së, ja reagimi i Thaçit

Presidenti i Kosovës, Hashim Thaçi, nuk është përgjigjur në pyetjen e gazetarëve nëse do të shkarkojë drejtorin e AKI-së, Driton Gashi.

Kryeministri i Kosovës, Ramush Haradinaj, pas mbledhjes së Qeverisë, ka deklaruar se gjysma e punës për shkarkimin e drejtorit të AKI-së, Driton Gashi, ka përfunduar, dhe, sipas tij, gjysma tjetër mbetet në dorën e Presidentit të Kosovës, Hashim Thaçi.

Sipas kreut të ekzekutivit, vendimi për shkarkimin e ministrit të Punëve të Brendshme, Flamur Sefaj, dhe drejtorit të AKI-së ka ardhur pasi që janë prishur marrëdhëniet e tyre institucionale.(Shtyp mbi pamjen e mëposhtme dhe shikoje ⤵)

Haradinaj tha se për vendimet për shkarkimin e drejtorit të AKI-së i komunikon dhe i merr me Presidentin.

Por, kreu i shtetit, Hashim Thaçi, sot pas mbledhjes së Këshillit Kombëtar Kundër Korrupsionit, nuk ka dashur të deklarohet nëse do të shkarkojë kreun e AKI-së, pas deportimit të gjashtë gylenistëve në Turqi, derisa ministri i Punëve të Brendshme, Flamur Sefaj, dje edhe zyrtarisht ka dhënë dorëheqje nga posti i tij.

SHPËRNDAJE