Gjyshja rrezikon me operacionin plastik: Dua të dukem e bukur në arkivol

Një gjyshe nga Britania po planifikon të bëjë një ndërhyrje kirurgjikale, ndonëse është 80 vjeçe. Toni Goldenberg ka disa vite që po kursen për procedurën, edhe pse rrezikon shumë.

Ajo dëshiron të bëjë një ndërhyrje që zgjat katër orë për të tërhequr lëkurën. E pyetur për rreziqet që mund të përballet, Toni tha për “TheSun”:

“Unë ndihem ende e re e zemër, por fytyra ime nuk shkon me trupin tim. Unë dua të kem vetëbesim dhe të ndihem e lumtur kur dal para pasqyrës. Nuk dua ta shoh më qafën me rrudha. Kam bërë shumë kërkime, kështu që ky është vendimi im i fundit dhe i kuptoj rreziqet që mund të dalin rrugës për shkak të moshës sime. Ekziston një mundësi që të vdes gjatë operacionit por ne të gjithë do të vdesim në një moment. Të paktën, do të dukem e bukur në arkivol”.

Deri tani ka arritur të kursejë 10 mijë paund. Procedurën do ta bëjë në një klinikë që i ka sjellë rezultate të mira vajzës dhe mbesës së saj.

SHPËRNDAJE