Haradinaj tregon se çfarë do t’i thotë Merkelit në Berlin

Kryeministri i vendit, Ramush Haradinaj, ka thënë që në Samitin e Berlinit do të takohet me dy udhëheqësit kryesorë, Angela Merkel dhe Emmanuel Macron të cilëve do t’u thotë që Evropa ua ka borxh Kosovës liberalizmin e vizave.

Ai tha se në këtë takim që do të mbahet me 29 prill në Berlin, nuk do të diskutohet për territorin e Republikës së Kosovës, raporton Indeksonline.

“Samiti i Berlinit është një mundësi e mirë dhe një tavolinë e përbashkët e Ballkanit Perëndimor dhe Kosova e ka perspektiven evropiane dhe për mua ka shumë rëndësi se Evropa e ka një borxh ndaj Kosovës, pra liberalizimin e vizave dhe vendimi ende nuk është marrë. Aty janë udhëheqësit kryesor si Merkel dhe Macron, shpresoj që të kam mundësi t’ua rikujtoj këtë borxh, nuk mendoj se aty do të ketë negocim për territorin e Kosovës dhe Serbisë e as për Zajednicë”, theksoi Haradinaj, pas homazheve që i bëri te shtatorja e Heroit të Kosovës, Zahir Pajaziti, dhe të varrezat e dëshmorëve në Velani.

  • ETIKETIMET
  • 1
SHPËRNDAJE