Hoti tregon se cila është pika kryesore e dialogut në letrën e Sekretarit amerikan të Shtetit, Pompeo

Zëvendëskryeministri Avdullah Hoti ka thënë se Qeveria e Re e mirëpret rolin kryesor të SHBA-së Kosovë-Serbi.

Hoti ka thënë se letra e sekretarit Pompeo është e qartë, dhe se njohja e ndërsjelltë e dy shteteve është qëllimi i tyre.

Kështu është shprehur Hoti në llogarinë e tij në “Twitter”.

“Duke mirëpritur rolin kryesor të SHBA në dialogun Kosovë-Serbi.

Letra e sekretarit Pompeo është e qartë – dialogu ka në qendër njohjen e ndërsjellë, i cili është qëllimi ynë përfundimtar.

Normalizimi i marrëdhënieve është thelbësor për prosperitetin në rajonin tonë dhe sigurimin e integrimit në BE të rajonit në tërësi”, ka shkruar ai.

SHPËRNDAJE