I gjithë interneti e do këtë imam, arsyeja është e veçantë

Qyteti i vjetër i Stambollit në Turqi është i njohur për macet e shumta të cilat sillen nëpër qytet.

Macet janë shumë të popullarizuara atje, me turistët dhe banorët të cilët i ushqejnë kudo që i shohin – madje edhe interneti është i mbushur me fotografi të tyre.

Por një burrë, Mustafa Efe, e ka çuar dashurinë e tij për macet e rrugëve në një tjetër nivel, transmeton Gazeta Express.

Efe, që është imam në Xhaminë e “Aziz Mahmud Hudayi” në distriktin historik të Uskudar, i lejon macet që të jetojnë brenda në xhami.

Sipas Daily Sabah, Efe i përshkruan macet si “mysafiret e së premtes në xhaminë tonë”. Dhe ai shpërndan fotografi të maceve në xhami në faqen e tij në Facebook.

Imami ka fituar një popullaritet të madh në rrjete sociale, pas mirësisë së tij me këto mace.

SHPËRNDAJE