Isa Mustafa: Qeverinë e bëjmë me këto parti!

Kryetari i LDK-së, Isa Mustafa, ka pritur sot në një takim ambasadorin e Italisë në Kosovë, Piero Sardi.

Ambasadori Sardi e uroi kryetarin Mustafa për rizgjedhjen në krye të LDK-së dhe theksoi që Kuvendi zgjedhor ishte një takim i rëndësishëm në udhëtimin demokratik të LDK-së dhe vendit.

Kryetari Mustafa e njoftoi Ambasadorin Sardi për përgatitjet e LDK-së për zgjedhjet e përgjithshme në të cilat LDK parapëlqen që të gjitha partitë të shkojnë të vetme.

LDK duke aluduar tek koalicionet parazgjedhore, ka theksuar se do të përcjellë veprimet e partive tjera dhe do të ndërmerr veprime në përputhe me rrethanat politike

“LDK nuk ka shumë disponim për koalicione parazgjedhore por mbi të gjitha po punojmë të fitojmë zgjedhjet në mënyrë që partitë që sot janë në opozitë të formojnë Qeverinë e re të Kosovës me një shumicë të qëndrueshme që u bën ballë temave të mëdha me të cilat po ballafaqohet vendi”, thuhet në një komunikatë për media.

Tutje, LDK thotë se në Qeverinë e re LDK do të përqendrohet në zhvillimin ekonomik, përkrahjen e sektorit privat, avancimin e arsimit dhe shëndetësisë, sundimit të rendit dhe ligjit, luftimin e korrupsionit si dhe integrimet euroatlantike me qëllim përmirësimin e cilësisë së jetës së qytetarëve të Kosovës.

SHPËRNDAJE