Ish-komandanti i UÇK-së e TMK-së, mesazh Serbisë: Nuk jemi të gjithë sikur Hashim Thaçi!

Ish-komandanti i UÇK-së dhe Zonës së Dytë të TMK-së në Prizren, Selim Krasniqi, ka një mesazh për përfaqësuesit e Serbinë.“Po ia kujtoj Serbisë fashiste se, nuk janë të gjithë shqiptarët zemërgjerë sikur Hashim Thaçi”, thotë Krasniqi.

Përfaqësues të institucioneve në Beograd, reaguan dje pas vizitës që presidenti i Kosovës, Hashim Thaçi vizitoi Ujmanin.

Ata kërcënuan se do të reagojnë nëse përfaqësuesit e Kosovës vazhdojnë me ‘provokime” të tilla.“Po lexoj e dëgjoj shumë lajme kërcënuese nga zyrtarë të lartë të Serbisë . Ata vetëm po tregojnë se janë të njëjtit dhe se nuk kanë ndryshuar në raport me Kosovën”, shprehet ai. “Janë të njëjtit që vranë gra, pleq dhe foshnje në barkun e nënave shqiptare…”.

“Ky popull ka djem e vajza, gra e burra që janë në gjendje të flijohen kurdo që e kërkon nevoja”.“As mos guxoni ta provoni një gjë të tillë, sepse ju siguroj se jemi shuë më të fortë se në luftën e vitit 98 – 99”.

“Për fat të keq, në përkrahjen tuaj ka mbeturina që kanë mbetur nga koha kur ju ishit pushtues dhe me punën e tyre tw keqe, korrupsionin, krimin dhe me politika te gabuara kombëtare, sikur po dërgojnë uji në mullirin tuaj, po populli po zgjohet dhe tashme i ka kuptuar dhe ky është një lajm i keq për ju”. “Kërcënimet që ju po i bëni në adresën tonë, as nuk na bëjnë përshtypje. Ju nuk mund të shtyheni me shqiptarët”. “Çdo përpjekje e juaja do të jetë e humbur…”, shprehet Krasniqi.

SHPËRNDAJE