Ish-z/kryetari i Vitisë, Xhevat Bislimi, kërkon të ndalohet gjuha arabe në rituale fetare: Hoxhallarët janë rekrutuar kundër gjuhës shqipe!

Nuk është hera e parë që Xhevat Bislimi bënë këso shkrime. Ai, tashmë është i njohur me qasjet e tij ndaj fesë dhe me qëndrimet e tij ndaj hoxhallarëve, shkruan Gazeta Mejdani.

Më poshtë gjeni shkrimin e plotë të Xhevat Bislimit, ish zv.kryetarit të Vitisë, i njohur botërisht me paraqitjet e tij të skajshme kundër fesë:

Të jetosh si Shqiptar e të vdesësh si Arab

Ky eshte paradoksi, kjo eshte fatkeqesia e nje pjese te madhe te shqiptareve qe linden nga prinder shqiptare, rriten, edukohen e jetojne shqiptarisht, kurse, kur te vdesin, varrosen arabisht, greqisht, etj.!
Duket e pabesueshme, por e verteta eshte kjo… Para tri dite vdiq veprimtari dhe veterani i çeshtjes shqiptare, i burgosuri politik, njeriu dhe shqiptari i mire, Sabit Rexhepi… Ka me shume se tridhjete vite qe jam njohur me te. E kane njohur, kush me shume e kush me pak, edhe qindra shoke tjere.

Nuk besoj qe dikush nga keta shoke e bashkeveprimtare, veç nese do te genjej, mund te thote qe shqiptari Sabit Rexhepi do te donte te varrosej arabisht… Pse nuk respektohet nga familja, nga bashkeveprimtaret, nga farefisi e nga kleri identiteti dhe dinjiteti kombetar e gjuhesor i te vdekurit dhe i te gjalleve qe marrin pjese ne varrimin e bashkekombesit te tyre?! Me ç’te drejte fyhet e perbuzet deri ne kete shkalle percaktimi, ndjenja, bindja, veprimtaria dhe angazhimi jetesor i shokeve tane atdhetare e luftetare te pathyeshem per gjuhe, flamur, kulture, liri, dinjitet e identitet shqiptar?!

Respekt per gjuhen, kulturen, traditen e veshjen arabe, gjermane, greke, amerikane, etj., por shqiptari ka gjuhen, kulturen, traditen, veshjen dhe identitetin e tij autokton kombetar! Te qenit shqiptar ishte dhe eshte vullnet i Perendise-Zotit, siç ishte dhe eshte vullnet i Tij edhe te qenit arab, gjerman, etj..

Prandaj, te mohosh gjuhen shqipe ne lutje, ne jete e ne vdekje ke mohuar vullnetin e Zotit. Nuk ka mekat me te madh, edhe ne kuptimin fetar, se sa shqiptari ose shqiptaret ta varrosin shqiptarin ne gjuhe te huaj, te luten e te predikojne ne gjuhe te huaj… Kthjelluni vellezer shqiptare e mos mekatoni duke dalur kunder vullnetit dhe deshires se Krijuesit! Kleri shqiptar per asnje çmim nuk duhet ta mohoje dhe perbuze gjuhen e Zotit, gjuhen shqipe!

Nje pjese e klerit shqiptar eshte rekrutuar, siç eshte rekrutuar edhe nje pjese e politikaneve dhe e inteligjencies, dhe po bejne punen e qoftelargut, duke i vene kazmen gjuhes dhe identitetit kombetar! Keta mekatare e mercenare, qe vishen me petkun e fetarit, te politikanit, “atdhetarit”, intelektualit…, nuk duhet te gezojne respektin e popullit shqiptar. Keta duhet te tregohen me gisht dhe te perbuzen nga shqiptaret. Ata qe mohojne dhe nuk nderojne me perulje gjuhen e ëmbël shqipe duhet te shihen e tregohen me perbuzje nga te rinj e te vjeter…

Bashkesite fetare shqiptare duhet urgjentisht te ulen ne nje Kuvend te Madh dhe te pajtohen qe gjuhe e xhamise dhe e kishes, gjuhe e lutjes dhe e predikimit e gjuhe e Zotit per besimtaret shqiptare te jete VETËM gjuha shqipe!

GJUHA NË RREZIK KOMBI THËRRET!

SHPËRNDAJE