Ishte 14 vjeç në luftë, merr ftesë nga Gjykata Speciale, pas tri ditësh udhëton për në Hagë

Gjykata Speciale e ka ftuar për intervistim një kosovar që gjatë kohës së luftës ishte 14 vjeç. Bëhet fjalë për zyrtarin në Ministrinë e Drejtësisë, Rilind Berishën.

Përmes një postimi në llogarinë e tij në Facebook, Berisha ka thënë se kjo është ftesa më e befasishme që ka marrë ndonjë herë, derisa ka njoftuar se do të paraqitet në Gjykatë më 5 gusht.

“Me datë 18.07.2019 kam marrë ftesën ma të befasishme në jetën time. Më 5 gusht duhet të paraqitem para Gjykatës Speciale në Hagë. Nuk e di arsyen për të cilën do të intervistohem, nëse veç mund ta përdorim termin arsye për këtë gjykatë krejtësisht të paarsyeshme”, ka shkruar Berisha./Express