Kadaj i del në krah Kurtit: E pakuptimtë mos lejimi në zgjedhje, gazi lotësjellës në Kuvend ishte për ta mbrojtur Kosovën

Ish-deputetja e Kuvendit të Kosovës, Donika Kadaj-Bujupi ka reaguar pas vendimit të KQZ-së për mos certifikimin e kandidatëve për deputetë, për zgjedhjet e 14 shkurtit.

Në një postim në Facebook, Kadaj-Bujupi thotë se kjo është e pakuptimtë, pasi që sic është shprehur ajo, gazi lotësjelles në Kuvend nuk ishte kundër Kosoves – ishte për ta mbrojtur atë nga Zajednica.

“Gazin nuk e kishim kunder institucioneve – ishte pikerisht per ta mbrojtur sovranitetin dhe integritetin e Republikes. Prandaj, edhe denimi ishte me kusht. Sepse metoda ishte jo konvencionale, por qellimi ishte politik”, ka shkruar ajo.

Postimi i plotë:

Gazi lotesjelles ne Kuvend nuk ishte kunder Kosoves – ishte per ta mbrojtur ate nga Zajednica.
Gazi nuk ishte kunder njerezve – ishte per t’i mbrojtur qytetaret nga pabarazia qe krijohej me Zajednicen.


Gazin nuk e kishim kunder institucioneve – ishte pikerisht per ta mbrojtur sovranitetin dhe integritetin e Republikes.
Prandaj, edhe denimi ishte me kusht. Sepse metoda ishte jo konvencionale, por qellimi ishte politik.


Mos lejimin e kandidimit te kujtdo qe eshte angazhuar me vetemohim per mbrojtjen e Republikes, e kam te veshtire ta kuptoj si mbrojtje e integritetit te institucionit. Ne fakt eshte krejt e pakuptimte.