Kaq vota ka Mërgim Lushtaku në Drenicë

Mërgim Lushtaku, djali i Sami Lushtakut ka arritur që të grumbullojë mbi 8 mijë vota në Drenas e Skenderaj, shkruan Gazeta Express.

Djali i kryetarit të Degës së PDK’së në Skenderaj, arriti që vetëm në këtë qytet të marr 6 mijë e 169 vota, nga numërimi i votave në 74 vendvotime.

Lushtaku vota arriti të marr edhe në vendlindjen e babait, pra në Prekaz.

Nga 438 vota sa mori Partia Demokratike e Kosovës, Lushtaku në vendlindje grumbulloi gjithsej 274 vota.

Në ndërkohë në Drenas, Mërgim Lushtaku nga numërimi i votave në 70 vendvotime, doli se 2 mijë e 227 qytetarë ia besuan votën e tyre atij.

Në total në Drenas e Skenderaj, Mërgim Lushtaku arriti të marr 8 mijë e 396 vota.

Lushtaku është në mesin e kandidatëve nga Partia Demokratike e Kosovës që kanë arritur që të marrin vota të mjaftueshme për të qenë pjesë e Kuvendit të Kosovës.

Këto shifra janë nxjerrë nga numërimi i votave në fletëvotimet e publikuara nga Komisioni Qendror i Zgjedhjeve.