Kështu e maltretuan në Serbi politikanin nga Kosova që kundërshton Vuçiqin

Partia e politikanit serb në Kosovë, Sllobodan Petroviq, ka reaguar pas ndalimit që i është bërë anëtarit të tyre dhe këshilltarit të ministres së Bujqësisë, Srecko Spasiq.

Në komunikatën e lëshuar për media thuhet se ai është ndaluar mbrëmë nga MUP-i serb për dy orë në Vranje.

Në momentin kur është ndaluar, dikush nga autoritetet serbe thënë Spasiqit që “ Dikush ka nevojë të flas me ty”, tregon komunikata.

Megjithatë edhe pas dy orësh askush nuk kishte ardhur, dhe Spasiq u kishte thënë se do të duhet të vazhdojë rrugëtimin.

Partia e Petroviq tregon se Spasiq ishte nisur në Serbi për çështje private.

Ndërkohë partia kujton se kjo nuk është hera e parë kur zyrtarë të saj ndalohen nga MUP-i serb dhe anëtarë të Shërbimit të Sigurisë të Serbisë.

Më herë janë ndaluar, Sllobodan Petroviq, Boban Stankviq dhe Nebojsha Jakovljevic.

“Partia e Pavarur Liberale nuk i kupton këto tentime dhe keqtrajtime të Serbisë për të katërtën herë, dhe kemi kërkuar përgjegjësi për të gjitha këto veprime, se pse përfaqqësuesit e lartë të partië janë ndaluar në kufij me Serbinë. Dhe për të katërtën herë presim reagimin e Bashkimit Evropian dhe institucioneve ndërkombëtare për maltretimin e anëtarëve të partisë së Pavarur Liberale”, përfundon njoftimi.

Ditë më parë zyrtarë të Listës Serbe kanë sulmuar fizikisht kryetarin e SLS-së, Sllobodan Petroviqin. Partia e Petroviq nuk është vegël e Vuçiqit në Kosovë./GazetaExpress/

SHPËRNDAJE