Kjo është vetura nga e cila dyshohet se dorasit kryen vrasjen e Ivanoviqit

Deri më tani, njëra nga provat se si dhe me çka është kryer vrasja ndaj Oliver Ivanovicit, është edhe vetura e djegur e cila dyshohet të jetë e lidhur me vrasjen.

Për këtë edhe më herët ka treguar Policia e Kosovës përmes një njoftimi zyrtar ku thotë se rreth orës 09:15 min, në rrugën “Vojvode Putnika” në veri të Mitrovicës, është lokalizuar një veturë private e markës “OpelAstra”.

E njëjta sipas Policissë, është pa targa të regjistrimit, të cilës paraprakisht i ishte vënë zjarri, ndërsa Policia dyshon se mund të jetë e lidhur me rastin e vrasjes.

Gazetarë të Expressit aktualisht janë në veri të Mitrovicës për të parë nga afër se si po zhvillohen hetimet dhe gjithë ngjarja pas vrasjes së Ivanoviqit.

Ky i fundit u vra në orët e hershme të mëngjesit të sotëm me pesë plumba. Akt ky që është kryer me një armë zhurmëmbytëse.

SHPËRNDAJE