Kosova, dy miqësore me Shqipërinë

Pas dy ndeshjeve miqësore me Sllovakinë, Përfaqësuesja e Kosovës do t’i zhvillojë edhe dy miqësore ndaj Shqipërisë, si përgatitje për fazën parakualifikuese të Eurobasket 2021

Pas zhvillimit të dy ndeshjeve miqësore me Sllovakinë, Kosova do të zhvillojë edhe dy ndeshje miqësore, kësaj radhe me Shqipërinë, njofton Federata e Basketbollit të Kosovës.

Ndeshjet ndaj kuqezinjve do të zhvillohen më 26 dhe 27 korrik (e premte-shtunë), në Pallatin e Rinisë dhe Sporteve në Prishtinë.

Të dy ndeshjet do të zhvillohen nga ora 19:00, por me dyer të mbyllura, me kërkesë të përzgjedhësit, derisa janë të hapura për mediat e interesuara.
Këto dy miqësore vëllazërore me Shqipërinë do të ndihmojnë përzgjedhësin Damir Mulaomerviq të shoh formën e lojtarëve dhe, që “Dardanët” të përgatiten sa më mirë për ndeshjet parakualifikuese për Eurobasket 2021.

Kosova është në grup me Luksemburgun dhe Britaninë e Madhe, ku fituesi i grupit kualifikohet tutje.