Krasniqi i PSD-së në një vjetorin e partisë sulmon Haskukën: E ke mbush komunën me militantë

Deputeti i Partisë Socialdemokrate, Frashër Krasniqi, ka thënë se partia që udhëhiqet nga Shpend Ahmeti deri tani nuk është përfshirë në asnjë aferë të punësimeve familjare.

Këto deklarata ai i ka bërë në Frontal të T7, teksa ka folur për një vjetorin e themelimit të partisë.

Ai ka shfrytëzuar rastin për të atakuar ish-kolegun e partisë së tij, Mytaher Haskunën, kryetarin e Prizrenit, duke i thënë se e ka mbushur Komunën me kushërinj e militant të Lëvizjes Vetëvendosje.

“Në asnjë aferë nepotiste nuk është përfshirë PSD’ja. Krejt kushërinjtë i ka rahatu Mytaher Haskuka në Prizren. Krejt militantët i ka punësu në Komunë. Njejtë kanë vepruar edhe LDK’ja, PDK’ja e të tjerat”, ka thënë ai në FRONTAL, shkruan Gazeta Express.

I pyetur nga autori i emisionit rreth punësimëve të tezakëve nga PSD’ja, Kransiqi ka thënë se rasti i angazhimit të Visar Ymerit në ekipin negociator dhe ndërlidhja e tij me Shpend Ahmetin, si tezak, është një gjë qesharake.

Ndër të tjera ai pretendon se PSD’ja është partia e vetme që është duke shënuar rritje, edhe përkundër faktit se sondazhet e nxjerrin shumë poshtë me 2.4 % (KDI)./Express/

SHPËRNDAJE