Kujdes të madh kur të furnizohi me derivate në ”Shell – Al Petrol”, ja çka ndodhi

Mbi 30 maune të mbushura me derivate të naftës janë bllokuar në terminalin doganor të Kosovës.

Këto maune sipas burimeve të lajmi.net brenda doganës se janë të kompanisë ‘Shell – Al Petrol’.

Lajmi.net merr vesh poashtu, se kjo ndalesë është bërë pasi analizat laboratorike kanë treguar se kualiteti i derivateve nuk e ka përmbushur nivelin minimal të kërkuar sipas ligjit dhe Ministrisë së Tregtisë dhe Industrisë.

Sipas dokumenti të siguruar nga lajmi.net, pika e filtribilitetit për periudhën kohore, 1 tetorit deri më 1 nëntori, mbi vlerën e kërkuar për derivate ishte -10, ndërsa kompania në fjalë me produktet e saja kapte vlerën -4, vlerë kjo nën standardet e kërkuara.

Sido qoftë, lajmi.net në vazhdimësi ka provuar të kontaktojë me përfaqësuesit e doganës dhe me zyrtarin për informim, Adriatik Stavileci, për të marr një qëndrim zyrtar për rastin në fjalë mirëpo kontakti me ta ka qenë i pamundur.

Gjithashtu, lajmi.net ka provuar të marrë një qëndrim edhe nga zyrtarët e kompanisë ‘Shell -Al Petrol’, të cilët nuk kanë shprehur gatishmëri të flasin, duke thënë se “s’ka kush flet se sot është pushim”.

“Jo nuk jam në ngjarje”, është shprehur një nga përfaqësuesit e kompanisë, Argjend Gashi.

Lajmi.net ka kërkuar që pas një kohe t’i sigurohet një përgjigje për çështjen në fjalë mirëpo Gashi ka insistuar “po më vjen keq është ora 8 e gjysmë (20:30), jemi në pushim të gjithë kështu që nuk jemi në ngjarje, nuk di çka me fol”

SHPËRNDAJE