KUVENDI VOTON SOT FORMIMIN E USHTRISË SË KOSOVËS

Seanca plenare e Kuvendit të Kosovës për transformimin e Forcës së Sigurisë së Kosovës në Forcën e Armatosur të Kosovës në ushtri

Seanca do të mbahet duke filluar nga ora 10:00.

Sipas një njoftimi nga Kuvendi, në rend dite do të jetë shqyrtimi i këtyre tri projektligjeve:

Shqyrtimi i dytë i Projektligjit për Ministrinë e Mbrojtjes,Shqyrtimi i dytë i Projektligjit për Forcën e Sigurisë së Kosovës,Shqyrtimi i dytë i Projektligjit për shërbim në Forcën e Sigurisë së Kosovës.

Vlen të kujtojmë se këto projektligje që mundësojnë transformimin e FSK-së në Ushtri në lexim të parë janë miratuar në Kuvendin e Kosovës, më 18 tetor 2018.

Në lidhje me formimin e Ushtrisë së Kosovës zyrtarë të NATO-s ishin shprehur kundër këaj, por Kosova e ka marrë mbështetjen për këtë iniciativë nga Shtetet e Bashkuara të Amerikës.

Ambasadori i sapo zgjedhur i këtij shteti në Kosovë, Philip Kosnett, kishte thënë se evoluimi i FSK-së në Ushtri është një hap i natyrshëm. Amerika madje ka dhuruar edhe 24 automjetet ushtarake amerikane për FSK-në.

SHPËRNDAJE