Ky është pjesëtari i FSK-së i cili nuk u ndal për asnjë moment duke kërkuar trupat e policëve tashmë të ndjerë

Shumë ekipe për ditë të tëra u angazhuan në kërkimet për gjetjen e trupave të dy policëve, Malësor Dashi e Armend Trena, të cilët u aksidentuan të shtunën e 28 prillit e më pas ranë në ujërat e lumit Lepencit.

Policia e Kosovës, FSK-ja, dhe ekipe tjera përfshirë edhe zhytësit vullnetarë dhe qytetarë të tjerë për asnjë momente nuk u ndalën deri në gjetjen e trupave të dy policëve të lartë cekur.

Ajo çka bie në sy është vullneti i plotë i një pjesëtari të FSK-së, Arben Rexhepi, i cili për asnjë moment nuk u ndal së kërkuari trupat e dy policëve kaçanikas.