Lekaj e ‘godet’ Shpendin, thotë se të gjithë duhet t’i gëzohen lajmit se Haradinaj po bëhet kryeministër

Deputeti nga radhët e Aleancës për Ardhmërinë e Kosovës, Pal Lekaj ka reaguar në drejtim të një deklaratë të lëshuar nga i pari i Prishtinës nga Lëvizja Vetëvendosje, Shpend Ahmeti, i cili ka porositur të parin e AAK-së, Ramush Haradinaj se nuk i duhet pozita kur vendimet për Kosovën do të merren në Beograd.

Me këtë rast Lekaj ka theksuar se Ahmeti është politikan i kunjave të kryeqytetit.

Lekaj ka shtuar se pjesëmarrja dhe mbështetja e ndërtimit të shteti nga të gjitha pozicionet e të gjitha etapat e Haradinaj nuk është ndalë asnjëherë, vetëm se nga nesër ajo do të ndryshojë duke qenë se do të marrë vendime si kryeministër, transmeton Indeksonline.

Lekaj ka thënë gjithashtu se i pari i Prishtinës dhe ‘filozofët’ e partisë Vetëvendosje duhet t’i gëzohen kësaj mundësie, duke ndërruar qasje e duke u angazhuar si të përbashkët, jo për t thyer e djegur Kosovën.

Ky është postimi i plotë i Lekajt:

Një paradigmë për “politikanin” e kungjave të kryeqytetit.Pjesëmarrja dhe mbështetja e ndërtimit të shtetit nga të gjitha pozicionet e në të gjitha etapat e z.Haradinaj nuk është ndalë asnjëherë, vetëm se nga nesër ajo do të ndryshojë duke qenë se do të marrë vendime si kryeministër.Seanca e nesërme për ndërtimin e institucioneve të reja është një hapë i rëndësishëm tutje në përmbushjen e vullnetit të qytetarëve të shprehur me 11 qershor. Qeveria e ardhshme e udhëhequr nga z.Haradinaj, e përbërë nga partitë respektive të cilat janë nënshkruese, do të jetë e Kosovës dhe në të mirë të qytetarëve të saj, e jo siç disa kanë dëshirë t’ia atribuojnë me gjithëfarë emrash e insinuatash që nuk janë asgjë e re, por vetëm përtëritje fjalesh.Angazhimi i të gjithëve në qeverinë e udhëhequr nga z.Haradinaj, do të jetë përmbushja maksimale e pritjeve dhe obligimeve ndaj njerëzve të këtij vendi, ndryshe nga sa ka vepruar udhëheqja e PVV në dhe me kryeqytetin tonë. Prandaj thirrja ime për ju, Shpend dhe “filozofët” e partisë tuaj është që t’i gëzohemi kësaj mundësie, duke ndrruar qasje e duke u angazhuar përbashkët, jo për ta thyer e djegur por për ta ndërtuar Kosovën. Ne do të jemi në krye të detyrës për t’i shërbyer qytetarëve, për juve nuk e di.

SHPËRNDAJE