Kandidati për kryeministër nga koalicioni AAK-PSD, Ramush Haradinaj, përmes një postimi në Facebook ka përkujtuar nipin e tij në përvjetorin e vdekjes, Shqipdon Haradinajn.
Ai ka shkruar se në këtë përvjetor, e kujton atë buzëqeshje e pafajësi të një fëmije – të një engjëlli.
Postimi i plotë i Haradinajt:
Sot, do të festonim, jetën e rininë në Kullën e Plakut Hilmi. Sot, Suzana do ta kishte një nga mëngjeset e zakonshme me Ty pranë. Por, sot është ndryshe. Ti nuk je në mesin tonë. E në këtë përvjetor të amshimit tënd, e kujtojmë atë buzëqeshje e pafajësi të një fëmije, të një engjulli!
Qoftë i përjetshëm kujtimi për ty Shqipdon Haradinaj!
