Momenti kur Veseli ia përgatit “kurthin” Haradinajt (VIDEO)

Zonja nga familja e Mehmet Derallës e cila doli në foltore për t’i thënë disa fjalë për 140 vjetorin e Lidhjes Shqiptare të Prizrenit, e nervozoi kryeministrin Ramush Haradinaj, i cili e largoi me forcë prej aty.

Por, fjalimi i zonjës do të ishte i padëgjueshëm po të mos ishte kryetari i Kuvendit, Kadri Veseli. Kjo për faktin se ai mori mundin, u zgjua nga karrigeja, shkoi te foltorja dhe ia ndezi mikrofonin dhe u kthye duke buzëqeshur.

Pas pak çastesh iu desh kryeministrit të zgjohet nga karrigeja për t’ia ndalur mikrofonin të cilin pak më parë ia kishte ndezur vetë kreu i Kuvendit, Kadri Veseli.

Kryeministri e kapi për krahut zonjën dhe me forcë provoi ta largonte prej aty. Zonja reagoi duke i thënë atij se nuk mund të sillet me të ashtu.

Derisa Haradinaj provonte ta largonte, zonja mbahej për foltores. Kryeministrit iu desh ndihma e sigurimit, të cilët e larguan zonjën prej aty.

SHPËRNDAJE