Nëntë vite burg për të miturin që vrau një person në Ferizaj

Gjykata Themelore në Gjilan ka dënuar me 9 vjet burg të miturin Sh.R për vrasje.

I mituri sipas Gjykatës më 20 shkurt të këtij viti rreth orës 22:30 minuta në rrugën “Ahmet Kaqiku” në Ferizaj, përkatësisht afër stacionit të autobusëve, për motive të ulëta, nga hakmarrja e paskrupullt, me dashje direkte dhe në mënyrë dinake e ka privuar nga jeta tani të ndjerin M. A., duke e qëlluar me revole njëherë në kokë dhe dy herë në shpinë.

Me këto veprime, i mituri ka kryer veprat penale “vrasje e rëndë” dhe “mbajtja në pronësi, kontroll ose posedim të paautorizuar të armëve”.