Një tjetër shqiptar nga Kosova na bënë të ndihemi krenar si popull, kësaj radhe në Australi. Ja çka ka bërë ai…

Adem Gashi bëri bujë në Australi me veprimin e tij. Ai foli mëngjesin e sotëm në një lidhje direkte në “Wake Up”, duke rrëfyer se për asnjë moment nuk mendoi të bënte të kundërtën.

Pasi gjeti në tren një çantë me 6250 dollarë vendosi të ia kthejë ato pronares. “Zonja u ul pranë meje në tren, ndërsa nuk qëndroi aty më shumë se 1 minutë dhe u ngrit sërish. Sapo ajo doli unë pash çantën dhe u mundova të trokisja në dritare dhe t’ia jepja atë, por treni u nis dhe nuk munda. Më pas zbrita pas 3 stacionesh. Kërkova për ndonjë kontakt në çantë, por nuk gjeta gjë, vetëm disa çelësa makine.

Ndërsa gjeta dhe një çantë të vogël me para. Për asnjë moment nuk kam menduar që t’i mbaja paratë. Përkundrazi, kur pash çelësat e saj më erdhi shumë keq, pasi kjo gjë më ka ndodhur edhe mua. Pasi dola nga treni, kontaktova një televizion dhe me ndihmën e tyre gjeta zonjën. Nuk njoftova policinë pasi doja t’ia jep vetë paratë zonjës. Ishte një ndjesi mjaft e bukur kur arrita ta gjej dhe t’i dorëzojë çantën”, shprehet Adem Gashi në “Wake Up”.

SHPËRNDAJE