Pas raportimit të Veriu.info për përplasjen mes Lladrovcit e Hoxhës, i ul kokë më kokë Azem Syla

Shpallja e kandidaturës edhe për një mandat kryetar i Drenasit nga Ramiz Lladrovci kishte nxitur reagimin e menjëhershëm të Sejdi Hoxhës, për të cilin raportoi ekskluzivisht Gazeta Online Veriu.info.

Sejdi Hoxha, që mban pozitën e kryetarit të degës së PDK-së në Drenas akuzoi kryesinë qendrore të partisë për ndërhyrje në strukturat e kësaj komune, por që i njëjti pak minuta më pas kishte ndryshuar shkrimin.

Pak ditë pas këtyre përplasjeve mes Lladrovcit dhe Hoxhës, është Azem Syla që ka bërë bashkë dy protagonistët e përballjes, raporton Veriu.info.

Sejdi Hoxha, që është nip i Azem Sylës, është parë i buzëqeshur në takimin me Lladrovcin.

Lajmin për këtë takim e ka dhënë vet Lladrovci përmes një njoftimi në Facebook.

Pjesë e takimit ishte edhe kryesuesi i Kuvendit komunal të Drenasit, Labinot Halilaj, i cili dje përmes një statusi në Facebook ishte tallur me Sejdi Hoxhën për ndryshimin e shkrimit./Veriu.info/