‘’Pas takimeve të VV-së e LDK-së, AKR pritet të marrë këtë vendim’’

Kosova tanimë ka hyrë në një krizë të thellë politike dhe institucionale, e gjithë kjo pas dështimit për herë të gjashtë të Kuvendit të Kosovës që ta zgjedhë kryetarin dhe nënkryetarët.

Në anën tjetër nga subjektet politike siç janë Vetëvendosje dhe LDK kanë nisur të negociojnë  ndërmjet vete. Takimi i fundit ishte i nënkryetarit të LDK-së, Lutfi Hazirit dhe të nominuarit për kryeministër nga VV, Albin Kurtit.

Lidhur me këto lëvizje, politologu i njohur, Belul Beqaj ka treguar se zgjidhja më e mirë e kësaj bllokade institucionale është formimi i një qeverie kalimtare. Sipas tij e njëjta do t’i kryente ndryshimet e nevojshme ligjore.

Beqaj thotë për “Indeksonline” se edhe pas zhgënjimeve të radhës,  qytetarët kanë shpresuar se do të përfundoj kjo situate. E që sipas tij kjo është një odiseadë. Por që nga seanca është  paralajmëruar zhgënjim i pafund.

“Indikacionet  aktuale  të takimeve mes VV dhe LDK-së, nuk përjashtojnë një përafrim dhe bashkëveprim, besoj se AKR-ja, do ti bashkohet asaj zgjidhje politike e cila do të krijohet në përputhje me interesat e saja”, është shprehur ai.

Tutje, Beqaj thotë se krijimi i Qeverisë  kalimtare do t’i fuqizojë partitë politike në vizionet e tyre, sipas tij, Kosova do të kalojë në ujëra të qeta.

“Ky spektër politik nuk ka brumë për ndryshime të politikbërjes,ndonëse ndryshimi ka filluar.Prandaj, jam ithtarë i një Qeverie kalimtare që do të bëjë ndryshimet e nevojshme kushtetuese dhe ligjore,do ti kaloj temat që ishin shkasë për zgjedhje,me pëlqimin e Parlamentit,ndërkohë do të reformohen edhe partitë politike.

Pas kësaj  periudhe, besoj se do të fuqizohen edhe më shumë politikbërësit e e shëndoshë me vizione të qarta dhe Kosova do të kaloj në ujëra të qeta”, ka përfunduar ai.

SHPËRNDAJE