Policia blindon Emergjencën, aty janë shtrirë të gjithë të plagosurit e tragjedisë së sotme në Lipjan

Shumë pjesëtarë të policisë së Kosovës ndodhen në afërsi të Emergjencës së QKUK-së në Prishtinë.

IndeksOnline ka mësuar se policët po bëjnë sigurimin e Klinikës Emergjente pasi që aty janë shtrirë të gjithë të plagosurit e sotëm në Hallaq i Madh të Lipjanit.

Aktualisht hetuesit policor janë duke punuar për të sqaruar të gjitha rrethanat që lidhen me rastin ku një person humbi jetën dhe pesë të tjerë u plagosën si pasojë e përleshjes me armë që ndodhi mëngjesin e sotëm.