Policia jep detaje për aksidentin e rëndë

Policia e Trafikut e Rajonit të Prishtinës ka dhënë detaje rreth aksidentit që ka ndodhur sonte rreth orës 18:30 në hyrje të kryeqytetit.

Komandanti i Policisë së Trafikut për Rajonin e Prishtinës, Milaim Fejzullahu, tha se kemi të bëjmë me një aksident zinxhiror.

“Ka ndodhur një aksident zinxhiror, ku janë përfshirë gjashtë automjete”, tha Fejzullahu.

Si pasojë e këtij aksidenti ka edhe të lënduar.

“Nga informatat e para tre persona kanë kërkuar ndihmë mjekësore”, shtoi Milaim Fejzullahu.

Shkaktar i aksidentit dyshohet të jetë mosmbajtja e distancës, tha për KALLXO.com komandanti i Policisë së Trafikut për Rajonin e Prishtinës.

Policia po merret me rastin.