Prokuroria jep versionin e saj për vdekjen misterioze të 11 vjeçarit, në Fushë Kosovë

Ditën e djeshme është gjetur i vdekur një i mitur i moshës 11 vjeçare.

Rasti ka ndodhur në Komunën e Fushë Kosovës.

Sipas raportimeve tek i mituri janë gjetur disa shenja në trup.

Zëdhënësja e Prokurorisë, Laureta Ulaj, i ka thënë Klanit nepërmjet telefonit se zyrtarisht nuk ka dal raporti i obduksionit.

Sipas saj ky raport vonon për disa ditë.

“Kam biseduar me prokurorin e rastit. Sipas tij janë gjetë disa shenja të dhunës, por nuk mund të themi se në çfarë rrethanash kanë ardhur ato. Duhet të presim raportin përfundimtar lidhur me rastin sepse nuk mund të paragjykojmë”.

I mituri i komuniteti rom ishte gjetur në afërsi të një objekti banesor në Fushë Kosovë.

Mediat më herët gjatë ditës kanë raportuar se i mituri është abuzuar seksualisht.

Nuk bëhet e ditur nëse ka ndonjë të arrestuar lidhur me rastin.

SHPËRNDAJE