Refuzuan shtrëngimin e duarve të gjinisë së kundërt, çiftit i refuzohet nënshtetësia zvicerane

Një çifti që nuk pranoi të shtrëngonte duart ose t’u përgjigjej pyetjeve me anëtarë të seksit të kundër në një bord të natyralizimit në Lozanë, iu është mohuar shtetësia zvicerane, shkruan “sëissinfo.ch”.

Në një deklaratë të lëshuar për media, autoritetet e qytetit të Lozanës kanë konfirmuar për gazetën lokale se u është mohuar nënshtetësia për shkak të refuzimit të shtrëngimit të duarve të gjinisë së kundër, gjatë një interviste të natyralizimit në pranverë, përcjell albinfo.ch.

Por, kishte edhe arsye të tjera. “Gjatë seancës, ky çift shfaqi sjellje të përgjithshme diskriminuese, e cila u shoqërua nga refuzimi i tyre për t’iu përgjigjur pyetjeve të paraqitura nga anëtarët e Bordit të gjinisë së kundërt.

Ky qëndrim i tyre nuk është në parim me Kushtetutën e Zvicrës dhe njërën nga shtyllat e shoqërisë, që është barazia midis burrave dhe grave.

Gjithashtu është konstatuar se ky çift nuk i plotësonte kërkesat ligjore, kështu që u është refuzuar kërkesa e tyre.

Autoritetet shtuan se sipas ligjeve federale dhe kantonale, “kandidatët për natyralizim duhet të integrohen mirë në komunitetin zviceran dhe të tregojnë me sjelljen e tyre lidhjen e tyre me Zvicrën, institucionet e saj dhe respektin e tyre për rendin ligjor zviceran”.

Çifti tani ka tri opsione: ata mund të apelojnë, të rishpallin ose të heqin dorë nga plani i tyre për të marrë nënshtetësinë zvicerane.

SHPËRNDAJE