Skandaloze: Tjetër gjë thotë Agim Ademi, tjetër shkruhet në procesverbalin e Kuvendit të FFK’së

Federata e Futbollit e Kosovës më 27.01.2020 e ka mbajtur Kuvendin e Rregullt Zgjedhor, ku janë votuar anëtarët e Komiteti Ekzekutiv të FFK’së,

Ky Kuvend u përshkrua me shumë tensione e debate të ashpra, të cilat filluan që nga momenti kur Presidenti aktual i FFK’së, Agim Ademi, doli nga rendi i ditës duke kërkuar votëbesimin.

Por, kjo nuk është e tëra, pasi që tani mund të ngritët kallëzim penal ndaj personit që ka mbajtur procesverbalin, Bashkim Kajdomçaj, i cili ka falsifikuar atë.

Kuvendi i fundit i mbajtur në FFK për shkak të zhvillimeve dhe interesimit të madh ishte përcjellë edhe nga mediet dhe kjo është lehtë e verifikueshme.

LEXO EDHE: Skandaloze: FFK falsifikon procesverbalin e Kuvendit të fundit |DOKUMENT

Në pikën ‘C’ shkruan se Bashkim Kajdomçaj ishte procesmbajtës dhe dy verifikuesit ishin Hamdi Elshani e Agim Kastrati, por në fakt Elshani e Kastrati nuk janë votuar fare për verifikues të procesverbalit.

Gjithashtu, në pikën ‘D’ thuhet se Elshani e Kastrati ishin edhe në Komision për mbikëqyrje të procesit të votimit, por në Kuvend është propozuar vetëm Hamdi Elshanin, kurse Agim Kastrati nuk është propozuar dhe as nuk është votuar në këtë komision.

Në procesverbal thuhet se numërimin e ka bërë Agim Kastrati në emër të Komisionit Verifikues, sepse Komisioni për mbikëqyrje të procesit të votimit nuk është votuar fare nga Kuvendi. Ky procesverbal përmban shumë çështje të cilat nuk janë propozuar e as votuar, por që befasisht figurojnë në procesverbal.

Në video verifikohet lehtë se si deklarata e Presidentit të FFK’së, Agim Ademit, nuk përputhet me atë që është shkruar në proceverbal. /gazetametro.net

VIDEO

SHPËRNDAJE