Sot në ora 12:00 në Mitrovicën e Veriut është paralajmëruar se do mbahet një protestë nga pensionistët e komunitetit serb. Kjo thirrje është bërë nga Lista Serbe përmes rrjetit social Facebook.
Protesta sipas tyre, vjen për të kundërshtuar vendimin e Bankës Qendrore të Kosovës për të ndaluar përdorimin e dinarit si mjet pagese.
Zëvendësdrejtori i policisë në Mitrovicën e veriut Veton Elshani për rtv21.tv tha se Policia ka pranuar informatat se për këtë protestë.
Në katër komunat veriore të Kosovës, me shumicë serbe, janë parë të dielën disa grafite të reja me mesazhet “Kur të kthehet ushtria në Kosovë, Brigada e Veriut jeton”.
Kryeministri i Kosovës, Albin Kurti, i është drejtuar të dielën komunitetit serb në Kosovë, duke i thënë se rregullorja e Bankës Qendrore të Kosovës (BQK) nuk ia ndalon Serbisë që t’iu ndihmojë atyre dhe Kosova nuk e ka ndaluar dinarin, ashtu sikurse asnjë valutë tjetër.
Ai i është referuar rregullores së BQK-së – që ka hyrë në fuqi më 1 shkurt – e cila parasheh që valuta e vetme për kryerje të transaksioneve me para të gatshme është euroja.
E mundësia për skenarë të ndryshëm nga Serbia është e madhe.
Kështu vlerëson ish koloneli i FSK-së, Afrim Veseli për Gazeta Blic.
Ai thotë se pas mbledhjes së KS të OKB-së, Serbia do të bëjë skenarë me popullatën civile në Kosovë, për të pasqyruar rrejshëm kinse pasojat që ka vendimi për dinarin te ata.
“Pas mbledhjes së Këshillit të Sigurisë të OKB-së lidhur me vendimin e BQK-së dhe kritika që mori Kosova për herë të parë në këtë forum nga aleatët, tani Serbia dhe institucionet e saj të inteligjencës do të organizojnë skenarë të ndryshëm me popullatën civile në mbarë Kosovën, për të pasqyruar rrejshëm se si ky vendim po ka pasoja për popullatën serbe në Kosovë”, thotë ai.
Ai rithekson se vendimi i pakoordinuar me aleatët mund të na sjell telashe dhe se për t’i shmangur ato, Qeveria duhet ta shtyjë vendimin.
“Lidhur me këtë në fillim të këtij muaji kam deklaruar se duhet të jemi tepër të kujdesshëm, sepse ky vendim i pakoordinuar me aleatët do t’i nxjerrë telashe vendit tonë. Mendoj se për të dalë jashtë rrezikut që do të ballafaqohemi, qeveria duhet ta pranojë këshillën e aleatëve për shtyrje për 4 muaj të këtij vendimi të hyjë në fuqi”, vlerëson Veseli.
Sipas tij, në të kundërtën, nga nesër do të nisin skenarët e Serbisë, duke filluar me protestën e nesërme.
“Në të kundërtën ata pra që nga nesër me këtë protestë do të fillojnë skenarë të ndryshëm, deri te ai gjoja largim masiv i serbëve nga Kosova me imazhe të kolonave të njerëzve, popullatës duke qarë, gjoja nga terrori i Kosovës ndaje tyre. Një vendim i mençur, i stopon 1000 skenarë të armikut”, deklaron koloneli në pension.