Të dashurës iu kthye bashkëshorti, burri detyrohet t’ia mbathë nga dritarja

Një burrë është rrëzuar nga një ndërtesë e lartë pasi u përpoq të largohej pa u zbuluar nga shtëpia e të dashurës së tij që ishte e martuar.

Sipas ‘thashethemeve’ që qarkullojnë në rrjet, burri në video është kapur ‘mat’ nga familja e të dashurës së tij të martuar pasi u kthyen në shtëpi në mënyrë të papritur.

Ende nuk dihet sesi ai arriti të kalonte nga dritaret tek pjesa ku shfaqet duke qëndruar në videon e filmuar nga një ndërtesë aty pranë. Më tej shihet që ai qëndron i mbajtur në mënyrë të rrezikshme ndërsa bën edhe një telefonatë emergjente.

Videoja u bë shpejt virale në mediat sociale Weibo në Kinë. Gjithsesi, për fat të keq në disa pamje të tjera ai duket i shtrirë në tokë pasi mesa duket është rrëzuar nga ndërtesa.

Autoritetet në vend nuk kanë bërë ende një deklaratë për të konfirmuar nëse burri i shtrirë në tokë është ai që qëndronte sipër ndërtesës dhe nëse ka ndërruar apo jo jetë.

VIDEO

SHPËRNDAJE