Thaçi tregon arsyet pse refuzoi pjesëmarrjen në Samitin e Ohrit

Presidenti i Republikës së Kosovës, Hashim Thaçi ka shpjeguar arsyet se pse Kosova nuk po merr pjesë në Samirin e Ohrit.

Ai përmes një shkrimi në facebook tha se vendimi për mos-pjesëmarrje bazohet në disa argumente.

Sipas tij, Kosova qëllimisht u anashkalua nga Serbia në Samitin e Parë, dhe kjo është vetëm njëra nga arsyet që Thaçi përmendni në shkrimin që mund ta lexoni më poshtë.

Postimi i plotë:

Si President i Republikes së Kosovës, dua të informoj qytetarët se, kam refuzuar pjesëmarrjen time në Samitin e Ohrit. Ky vendim për mospjesëmarrje bazohet në disa argumente ekzistuese.

Së pari, Kosova, qëllimshëm ishte anashkaluar nga Serbia në Samitin e Parë të kësaj iniciative të re rajonale.

Së dyti, vizioni i vetëm i Kosovës mbetet anëtarësimi në BE dhe NATO. Prandaj, ne nuk duam që në asnjë rrethanë ta zëvendësojmë perspektivën tonë euroatlantike me çfarëdo iniciative rajonale.

Dhe, së treti, kjo iniciativë rajonale është e pakuptimtë për aq kohë sa Serbia dhe Bosnja dhe Hercegovina nuk e njohin pavarësinë e Kosovës.

Kosova është e përkushtuar për fqinjësi të mirë dhe heqjen e pengesave për lirinë e njerëzve dhe mallrave.

Por, Kosova nuk mund të jetë pjesë e një Samiti të tillë në te cilin marrin pjesë shtete, të cilat ende nuk e njohin realitetin e Kosovës së pavaruar.

Ne jemi të përkushtuar që të tejkalojmë pengesat aktuale nëpërmjet dialogut dhe marrëveshjes për njohje reciproke.

Vetëm atëherë kur të ndodhë një gjë e tillë, ne do të bëhemi pjesë e iniciativave të tilla rajonale si shtete të barabarta. HTH

SHPËRNDAJE