Vajza e “Currit”, këshilltare e Behxhet Pacollit

Behgjet Pacolli është këshilluar për muaj rresht nga Elena Osmani, vajza e Ismet Osmanit, i cili është arrestuar një ditë më parë nën dyshimin për fajde, detyrim dhe për mashtrim. Vlera e përgjithshme e përfituar duke kryer këto vepra penale, dyshohet të jetë më shumë se 2.5 milionë euro.

Në Ministrinë e Punëve të Jashtme, institucion të cilin Pacolli e drejton, kanë konfirmuar se Elena Osmani ka shërbyer në kabinetin e ministrit.

“Elena Osmani ka qenë e angazhuar në kabinetin e ministrit të Jashtëm. Zonjusha Osmani ka përfunduar studimet në Universitetin Amerikan në Vjenë dhe në atë kapacitet është angazhuar që të shërbejë në kabinet”, thuhet në një përgjigje të shkruar të Zyrës për Informim të Ministrisë. “Para disa muajsh është larguar me vetëdëshirë. Gjatë punës së saj ka qenë e përgjegjshme dhe e përkushtuar në punën dhe obligimet e veta”.

SHPËRNDAJE