Vazhdon të jetë e mbyllur rruga Mitrovicë-Bajgorë

Në rrugën rajonale Mitrovicë – Podujevë sërisht sot ka ndodhur sërish rrëshqitje e dheut, ku për pasojë rruga tashmë është bllokuar plotësisht.

Në këto foto të siguruara nga Veriu.info, shihet se rrëshqitja e dheut ka ka ndodhur në fshatin Trepçë të Mitrovicës.

Mësohet se Ministria e Infrastrukturës, e cila është përgjegjëse për këtë rrugë, ka angazhuar një kompani për zhbllokimin e rrugës, por që mësohet se hapja e sotme e rrugës duket e vështirë. (Shtyp mbi pamjen e mëposhtme dhe shikoje ⤵)

Si pasojë e bllokimit të rrugës janë bllokuar disa fshatra të Shalës së Bajgorës, duke përfshirë: Vidishiqin, Mazhiq, Tërstena, Rashani, Barja, Bajgora, Kaçanolli dhe Kovaçica.

Në një prononcim për Veriu.info, zyrtari për emergjenca në komunën e Mitrovicës, Blerim Meholli, ka bërë të ditur se këto fshatra duhet ta shfrytëzojnë rrugën alternative përmes Vushtrrisë, përkatësisht rrugën Smrekonicë-Pasomë-Rashan-Tërstenë-Mazhiq.

Kjo rrugë është bllokuar edhe para disa ditës.