Vetëm flamuri kombëtar në zyrën e Vetëvendosjes, reagon ish-këshilltari i Hashim Thaçit

Dje gjatë ditës kryetari i Lëvizjes Vetëvendosje, Albin Kurti e ka pritur në takim emisarin e BE-së për dialogun, Miroslav Lajçak, raporton Gazeta Express.

Ajo se çka ra në sy e që është diskutuar edhe në rrjete sociale është se në zyrat e LVV-së është parë vetëm flamuri kombëtar, e jo ai i Kosovës.

Për këtë çështje ka reaguar këshilltari i ish-presidentit të Kosovës, Hashim Thaçit, Adil Behramaj.

Ai ka thënë se Lajçakun dhe Kurtin i paska bashkuar edhe neutraliteti ndaj flamurit të Kosovës.

“Lajçakun dhe Kurtin i paska bashkuar edhe neutraliteti ndaj Flamurit të Kosovës”, ka thënë ai./GazetaExpress/