Vjen një analizë interesante për “ultimatumin” e SHBA-së për heqjen e taksës ndaj produkteve të Serbisë

Njohësi i funksionimit të qeverisjes në SHBA, Ilir Ibrahimi ka reaguar në lidhje me interpretimin që po u bëhet deklaratave të zyrtarëve amerikan në lidhje me Kosovën.

Ai në një shënim në Facebook duke e komentuar kërkesën e SHBA-së për heqjen e taksës, tha se politikën amerikane në raport me Kosovën e bën Departamenti i Shtetit, raporton Gazeta Blic.

Shënimi i plotë:

Intepretimi dhe përshtjellimi që po u bëhet qëndrimeve amerikane ndaj Kosovës është sa amatoresk, por druaj edhe dashakeqas.

Me aq sa e njoh funksionimin e qeverisë amerikane, qëndrimet politike amerikane ndaj Kosovës përgaditen nga administrata, kryesisht në State Department dhe National Secutiry Council, dhe atë jo në nivelin më të lartë. Për ti dhënë peshë më të madhe këtyre politikave, qëndrimet kanë ardhur duke ua vënë vulën e zyrës së presidentit. Kështu shpjegohet letra e presidentit që erdhi ditë më parë.

Nëse ne mendojmë që presidenti Trump po merret me Kosovën personalisht, është me të vërtetë të bësh hajgare në stilin e Stupcave. Por edhe nëse mendojmë që mund tu bishtërojmë qëndrimeve amerikane (sidomos kur ato mbajnë vulën e presidentit) me analiza koti është amatorizëm politik, dhe shumë i rrezikshëm.

Kosova po kalon në një moment shumë serioz ku do të vendoset fati për dekada të ardhshme.
Nuk është momenti për të bërë politika të stilit “ për inat të resë, …”.

Kërkesat dhe pritshmëritë e SHBA nga lidershipi Kosovar janë shumë të qarta dhe të drejtpërdrejta. Ashtu edhe duhet të merren.

P.S.
Nuk mund të merren si bazë zhvillimet e brendshme në Amerikë për të parashikuar se çfarë do të ndodhë me politikën amerikane ndaj Kosovës. Ajo nuk do të ndryshojë pa marrë parasysh këtyre zhvillimeve.
Sa për rikujtim, gjatë kohës kur është marrë vendimi për ndërhyrje të NATO-s në Kosovë, Presidenti Clinton ka qenë në proces të Impeachment ( procedura e largimit të presidentit nga detyra).

SHPËRNDAJE