Zyrtare: Nga sot Garda Kombëtare e FSK’së filloi ngritjen e kapaciteteve të ushtrisë

Komandanti i Forcës së Sigurisë të Kosovës, gjenerallejtënant Rrahman Rama, në një ceremoni zyrtare ka urdhëruar fillimin e ngritjes së Gardës Kombëtare sipas Planit Gjithëpërfshirës të Tranzicionit.

Mbajtja e aftësive ekzistuese, të cilat deri me tani ishin në vartësi të Brigadës së Mbështetjes Operacionale, kanë kaluar nën komandimin dhe kontrollin e Gardës Kombëtare të udhëhequr nga gjeneral Xhevahir Geci, ndërsa Brigada e Mbështetjes Operacionale ka kaluar në Komandë të Logjistikës në kuadër të Shtabit të Përgjithshëm të FSK-së nën komandimin e gjeneral Naim Hazirit.

Kjo është dëshmi se FSK-ja po vazhdon ngritjen dhe riorganizimin e njësive sipas Planit Gjithëpërfshirës të Tranzicionit.

Garda Kombëtare e FSK-së është njësi vartëse e Shtabit të Përgjithshëm të FSK-së. Në misionin e ri do të mbajë dhe do të zhvillojë aftësitë operacionale në kuadër të Mbështetjes Ushtarake për Autoritetet Civile./gazetametro.net