E fundit: Bernard Challandes nuk është më trajner i Kosovës

Kosova i ka ndarë rrugët me trajnerin e ekipit kombëtar, Bernard Challandes, pas rezultateve tejet të dobëta në vazhdimësi.

Federata e Futbollit e Kosovës njoftoi në një konferencë për media se ka gjetur pajtim me Bernard Challandes për shkëputjen e parakohshme të marrëveshjes.

Trajneri zviceran kishte marrëveshje me Kosovën deri në dhjetor 2022, por epokës së tij në krye të kombëtares dardane i erdhi fundi një vit më herët, pas një fushate tejet dëshpëruese në kualifikime për Kupën e Botës 2022.

70-vjeçari ishte emëruar trajner i Kosovës në mars të vitit 2018 nga ish-presidenti i ndjerë i FFK-së dhe legjenda e futbollit shqiptar Fadil Vokrri.