LDK: Heqja e taksës çështje ditësh

Lidhja Demokratike e Kosovës si partner qeverisës me VV’në në Qeveri është shprehur e gatshme për të hequr taksën 100 përqind.

Kështu ka deklaruar deputeti i kësaj partie, Arben Gashi, i cili ka thënë se me VV’në kanë dakordim për reciprocitetin e proklamuar nga Albin Kurti.

Madje, sipas tij kjo është vetëm çështje ditësh ose javësh.

“Mendoj që ka dakordim mes LDK dhe VV sa i përket reciporciteti edhe Kurti në Munih e deklaroj që do ta heq taksën, e që do të jetë shumë shpejt çështje ditësh apo javësh dhe zëvendësimi i saj me masa reciproke graduale dhe të arsyshme”, ka thënë ai në një tryezë të organizuar nga KDI.

Kujtojmë se tashmë janë bërë më shumë se 1 vit që kur Kosova ka vendosur taksën 100 përqind ndaj produkteve serbe e atyre boshnjake.

Kjo edhe ka bllokuar bisedimet me Serbinë, gjë për të cilën SHBA’të përmes ambasadorit Richard Grenell, janë angazhuar shumë që të rifillojnë sërish.