Kur po afrohen zgjedhjet e jashtëzakonshme të 28 dhjetorit, tashmë kanë filluar të dalin edhe emrat e parë të kandidatëve për deputet.
Kësaj gare pritet t’i hyjë edhe nënkryetari i Ferizajit, Lulzim Aliu, krahu i djathtë i kryetarit të kësaj komune, Agim Aliut, shkruan Veriu.info.
Ai njihet si një nga njerëzit kryesorë të PDK-së në komunën e Ferizajit, dhe gëzon një përkrahje të gjerë në këtë komunë dhe shumë komuna tjera të Kosovës.
Lulzim Aliu njihet për përkushtim të jashtëzakonshëm në shumë pozita institucionale që ka mbajtur deri tash.
PDK në Ferizaj e sheh kandidaturën e Aliut si energji e re dhe përkushtim për qytetarët e kësaj komune.
Aliu më herët ka shërbyer edhe si drejtor i Urbanizmit në këtë komunë.
