Shkrimtarit të njohur shqiptar i keqësohet gjendja, ka nevojë për gjak

Është njëri ndër shkrimtarët më të njohur të periudhës së tranzicionit shqiptar dhe krijues i dhjetëra librave.

Shkrimtari i njohur Fatos Kongoli, fatkeqësisht ndodhet në gjëndje të rëndë shëndetësore dhe ka nevojë imediate për dhurim të gjakut.

Lajmin e ka bërë të ditur ish deputeti socialist Fatmir Toci, i cili bën një apel për të gjithë ata që janë të gatshëm për të ndihmuar Fatos Kongolin.(Shtyp mbi pamjen e mëposhtme dhe shikoje ⤵)

Për më tepër lexoni statusin e bërë nga Toci, në rrjetin social:

FATOS KONGOLI ËSHTË I SËMURË…

Fatos Kongoli, ndër shkrimtarët më të dashur dhe më përfaqësuesi i periudhës 30 – vjeçare së tranzicionit shqiptar ndodhet prej kohësh në spital në gjendje të rëndë.

Në dy muajt e fundit i janë bërë dy ndërhyrje kirurgjikale në aparatin tretës në deuden dhe është i klasifikuar më diagnozën “Ca – rerum”. Falënderojmë mjekët dhe personelin e repartit të Kirurgjisë në QSUT për kujdesin e përkushtimin, në mënyrë të veçantë prof. dr. Edmond Çeliku.

Fatos Kongoli ndodhet në peiudhën postoperatore në QSUT “Nënë Tereza” dhe ka nevojë për dhurim gjaku…

Fatos Kongoli na ka dhuruar ne dhe letërsisë shqipe 15 vepra letrare të çmuara, të ribotuara disa herë e të përkthyera në shumë gjuhë të botës, duke e bërë Shqipërinë edhe më të njohur e më të vlerësuar në mbarë botën kulturore.

Me qindra e mijëra janë lexuesit dhe ithtarët e tij që kanë gjetur te vepra e Kongolit realitetin e kohës, qetësinë e munguar dhe dashurinë për njeriun.

Kongoli na ka dhënë shumë dashuri në kohë të vështira, sot ka nevojë për mbështetjen tonë dhe, ndoshta, për një vëmendje më të madhe për një trajtim më të specializuar nga drejtuesit e institucioneve shtetërore