Mediumi gjerman WDR ka raportuar, duke u thirrur në reporterin e tij, se njëri prej të plagosurve në Bielefeld ka vdekur.
“Sipas reporterit të WDR, njëri prej të plagosurve besohet të ketë vdekur, sipas burimeve të afërta me rastin”, shkruan WDR.
Është raportuar për katër persona të plagosur që u shtrinë në spital.
Të shtënat me armë ndodhën afër gjykatës ku po gjykohej i dyshuari për vrasjen e boksierit kosovar, Besar Nimani.
Dy prej të plagosurve ishin familjarë të të dyshuarit për vrasjen e Nimanit. Babai i tij u raportua se ishte i plagosur rëndë.
